[誰能告訴我] - 個個站都見到

到底是在何時，地鐵開始派員工到月台站崗及"控制人流"的呢？

在人多的時候及最旺的站例如尖咀旺角金鐘，有人來維持秩序當然是沒有問題。(當然有冇用係另一件事因為我看大家都照樣不去人少的地方或強擠進車箱。而且下班時候的金鐘月台並沒有"人較少的地方")但點解我成日係冇乜人或冇乜自由神的站都見到佢地？例如官塘站大多乘客都是居民又見到員工，週末下午3，4點於將軍澳線又見到員工，明明就冇乜人等車。反而派咁多員工去月台就令到個月台迫左D。而且佢地用大聲公叫人上落電梯唔好郁要企好真係有點好笑，好似番小學D老師風紀叫D學生上樓梯手要擺後面咁。

而且我發現不少員工都是於"do do do"時呆站但對門關上時先舉牌叫人唔好衝，但其實好多人都會在"do do do"時衝入車箱，有時對門關得快，都咪話唔危險。

總之，佢地可唔可以唔好咁無處不在呢？